Negación metalingüística y estructura informativacaracterización sintáctico-pragmática de "non"

Resumen

Nel asturianu de les zones central y occidental esisten dos expresiones asociaes a la negación, non y nun, que tienen consideráose tradicionalmente variantes d’una mesma unidá llingüística. Sicasí, les diferencies na so distribución sintáctica (Martins 2010, 2014) y nel so valor pragmáticu-discursivu (Ducrot 1972, Horn 1989), xustifiquen la esistencia de dos unidaes negatives distintes. La aplicación de les pruebes de Horn (1989) y Martins (2010, 2014) muestren que nun ye un marcador de negación interna, oracional o regular que tien efeutos na estructura interna de la oración, mientres que non ye un marcador de negación metallingüística periféricu, esternu a la estructura oracional, que s’emplega pa refugar una aseveración previa. L’estatus de marcador periféricu atribuyíu a non permite amenorgar los distintos tipos de combinaciones y secuencies aparentemente heteroxénees a una estructura sintáctica básica na que la disposición de los constituyentes ta bien rellacionada colos procesos de topicalización y focalización que provoca non.