Xenealoxía do poder local galaico na Antigüidade

Laburpena

Ao longo da Antigüidade a Galecia compartimentouse en múltiples entidades políticas locais cun desenvolvemento histórico autónomo. Nesta tese pártese, por primeira vez, dunha conceptualización clara do poder local para fundamentar o seu estudo, que descansa sobre unha reunión e avaliación con vocación de exhaustividade das fontes dispoñíbeis. Confecciónanse unha sólida cartografía histórica e dous grandes catálogos de entidades políticas locais para a época xermánica e a romana. Finalmente, encétase unha síntese xeral da historia do poder local galaico entendido como suxeito de estudo en si mesmo e non en cada un dos seus múltiples compoñentes.