Asturianu y castellanu nes aules d’Asturiesusu y actitúes del alumnáu inmigrante y autóctono

Resumen

La escuela ye un espaciu que contribúi a la integración del alumnáu d’orixe estranxeru faciendo vidables les rellaciones sociales y l’adquisición de la llingua de la sociedá d’acoyida, asina como’l llogru d’un meyor conocimientu del contestu social y cultural del rodiu. Acordies con ello, nesti estudiu analícense la conciencia d’usu y les actitúes llingüístiques del alumnáu d’orixe estranxeru y autóctonu que finen la Educación Primaria (12 años) n’Asturies. D’esti mou y cuntando con una metodoloxía d’investigación cuantitativa, estúdiense les opiniones de 123 estudiantes de los cuatro centros educativos asturianos col mayor númberu d’estudiantes d’orixe estranxeru matriculaos na asignatura de Llingua Asturiana. Les conclusiones d’esta investigación amuesen los usos lingüísticos de los escolinos n’estremaos contestos y les positives actitúes hacia dambes llingües y afiten interesantes diferencies en cuantes a los resultaos, non solo en función del orixe de los escolinos, sinón tamién teniendo en cuenta otres variables socio-educatives del ámbitu d’estudiu.